Nao oetstel van twieë jaor trok d’r weer einen optoch door ’t Wortelepinneriek in Blierick. ’t Waas ‘ne kleurrieke stoet van groepe en wages. Ouk zoot d’r vuuel meziek in en det brach de minse naeve de kant in de juuste stumming. Ouk dit jaor ware d’r weer verschillende faatse die meitrokke. Inkele ware d’r aangemeld maar de meiste springe gewoeën d’n optoch in.
Aan ós de taak um nao aafloup euver de faatse te klasjenere en ‘ne winnaer te bepaole. Op ’t lets ging ‘t oetintelik tösse twieë kreasies en kwame weej beej de winnaer oet: Sjraar Thijssen mit “vreje oetloupeier” dae dit op zaoterdaagmiddaag veur d’n optoch had bedach.
De Veldeke zjury Blierick: Henny, Jos en Wiel.
Venlo, 20 fibberwari 2023
Weej zóchte ’n plaetske naeve de optochroute um ein good zich te hebbe op de faatse die in de groeëten optoch mit zoele trekke. ’t Waer belaofde vuuel en det haopde weej mit ózzen dreje ouk. Weej hadde veuraaf aafgespraoke det weej allein echte faatse zoele beoerdeile en beej oetzóndering, as d’r te weinig faatse mit zoele trekke, nao twieëtalle kieke. Aevel det hoofde neet, d’r ware 17 faatse in d’n optoch en det is toch waal oetzónderlik te neume.
Naodet weej d’n optoch hadde gezeen en Henny mit edere faatse had gespraoke, zien weej beejein gaon zitte um ós keus te kinne make, det waas lang neet gemekkelik. Weej hebbe d’r lang euver geklasjeneerd, want de originaliteit waas geweldig!! Eigelik hadde weej ederein d’n trofee toe wille kinne, aevel det geit neet.
De winnaer is Bart Daemen gewaore mit zien kreatie: “Minsekinder waat ein plaetje”. Bart had de vinylsingles van alle vastelaovesleedjes beejein verzameld en gegroepeerd op ‘ne stek mit beejpassende teks.
D’n 1e nietsbreef van 2022 is verschene en versteurd aan alle leje en dónneteurs van de krink.
Veurwäördje
Beste leje en dónneteurs,
Veur ’t iers dit jaor weer ’ne nietsbreef. Mit ’ne nietsbreef wille weej as bestuur van Veldeke Krink Venlo ós leje en dónnateurs flot op de huuegte bringe van zake die binne ózze krink speule. Vaerder kint geej netuurlik altied veur alle informatie terech op ós web-site en periodiek beej ózze Kroedwis.
De vaerdere ónderwerpe zien de wandeling op 4 september, de wisseling van ’t sikkertariaat, d’n oeuvrepries 2022, de cursus Venloos laeze en schrieve (wao-euver binnekort mier) en ’t organisere van activiteite mit daobeej behurende kemissies.
Tiedes de jaorvergadering van de jubilerende dialekvereiniging op 2 mei is de verniejde website geprissenteerd die daezelfden daag de lóch in geit. De link nao de website verandert in veldekevenlo.nl terwiel degene die nog op de alde site inlogge waere doorgesteurt nao de verniejde site. Mit de aanpassing van de naam wuurt ’t mekkeliker um die site te vinde.
De verniejing is nuuedig umdet d’r mier as in ’t verleje gebroek gemak wuurt van ’t bekieke van websites op telefoon en tablet. Ouk zien in de loup van de jaore de technische meugelikhede verbaeterd.
Vanaaf noow kin en meug ederein zich aanmelde veur de nietsbreef. Mit inachneming van de geldende privacyregels waere de persoeënsgegaeves geautomatiseerd verwerk in de administratie.
Mit dees verniejde website haope we minse nog mier as noow te interessere veur ’t gebroek en instandhalde van ’t dialek in waord en geschrif. Daomei wuurt rech gedaon aan ’t doel van de vereiniging: laeventig halde van de volkscultuur en alle plaatselike dialekte.
Tiedes de Nach van ’t Limburgse leed op 19 september 2015 hebbe weej de ier um de Veldeke Oeuvrepries in Domani oet te reike aan Jack Vinders.
Jack Vinders is cabaretier, columnist, leedjesschriever, acteur, prissetator maar veural zenger.Hae kump oet ’n mienwerkersgezin en muzikale femilie en stónd as kind al op de plenk. Speulde as achjäörige teniel, later studenteteniel, vormde ’n eige bewaegingstheater, zóng in jóngerekoeër.
Jack is eine zenger van luustermeziek, Franse chansons, ballades en swingende songs, eine rasarties van Limburgse baojem met regionale en nationale oetstraoling.
In 2007 woort hae oetgerope as beste Limburgse zenger, gevolg door beste vocalist in 2009, 2010, 2011, 2012 en 2014.
Jack produceert vanaaf 2009 zien albums, schrief alle tekste en componeert. Ziene album Leefde woort beste Limburgse CD van 2009, gevolg door de 7de Van Vinders, in jannewari 2015 verkaoze tot beste Limburgs album.
Jozef Marie Hubert Cornet (weej neume ‘m Sef) gebaore in Venlo 7 juni 1898 en euverleje op 23 oktober 1953.
Sef Cornet is de vader van “De Venlose revue” en haet ’n belangrieke beejdrage geleverd aan de Venlose dialek en volkscultuur. Hae had van 1913 wies 1951 groeët succes mit negentieën revues en cabaretveurstellinge. Same mit zien broor Mathieu schreef hae de tekste en de leedjes.
Nao zien ierste optraeje in ‘t “Groeët Cabaret” in 1913 woort hae al flot de houfpersoeën van de veurstellinge. Mit weinig kós hae ‘ne zaal laote bölke van ’t lache. Sef waas amusant, ziene labberjoeks bleef plekke in ’t geheuge van de minse. Nao zien euverlieje in 1953 is hae in ’t vergaethukske gekómme.
Met vieftieën jaor as speuler begós.
Oetbater ’t Rembrandt Theater van 1930-1933
Oetbater Café Alde Mert Oetbater Prins van Oranje 1934-1942
Speulde op 31 maart en 1 april 1946 in Krasnapolski ” Och d’n oedel”
Bonte Dinsdagavondtrein Avro in september 1948
Oetbater Café Restaurant Parade 1950 Ierebörger van Kölle
Hae is gebaore op 8 november 1893 in Venlo en euverleje in Häör (Horn) op 28 mei 1954, hae waas toen 60 jaor.
In 1926 nome Jean Leenders en Mathieu Cornet het initiatief veur ’t aopeluchtheater ” De Doolhof ” in Tegelen.
Hae makde ouk operettes, ónder andere: ” Om de Mauritius-zegels” en “Baron von Glasenap” (1938) Mathieu werkde as houfcommies op ’t secretariaat van de gemeinte.
Gebaore in Venlo op 12 mei 1892 en gestorve 17 oktober 1965.
Sjang Cornet schreef in het begin van de jaore sestig in het waekblaad ‘De Brug’ de ‘Hannes Kornoeffel’ en ‘In den gooien alden tiëd’.
Veur het Dagblad voor Noord-Limburg verzörgde hae in 1964 en 1965 de rubriek ‘Venlo van vruuger’.
De ald-huzaar Cornet waar ein van de de oprichters van de Venlose Ruiterclub In d’n Tweede Waereldoorlog waar hae in ’t verzet.
In de nao-oorlogse revues van zien broor Sef waas hae acteur en tenielmeister.
Ouk schreef hae nao d’n oorlog ‘Sinter Mertes Veugelke’ det nao Venlose militairen in Nederlands-Indië woort gesteurd.
Verslaag van de finale declamatie op 22 maart 2013 in de Venlonazaal.
As ierste wil ik vermelde, det weej ’t óntzettend toef vónde det d’r zoeë vuuel kinder hebbe mei gedaon met de veurselektie. In totaal ware d’r 117 kinder van de basisschoeële in Venlo en Blierick , dao zien weej súper en kei bliej mei! Nao de dreej spannende veurróndes zien d’r oetintelik 42 kinder door gegaon nao de finale, weej hebbe ’t éch meujlik gehad, want d’r zote dit jaor éch einen hielen houp goje talente tösse. Vriedaagaovend waas ’t dan zoeë wied, de zaal leep lekker vol met mama’s, papa’s, zuskes en breurkes, oma’s en opa’s.
De schrievers zote ouk gezellig veuraan in de zaal, die kóste genete van eur gedichjes en de jurieleje kwame dit jaor van stichting OB de Woers, Vincent Tabbers, Marcel Abrahams en Pim Kleeven. Diana Vullings heel de puntescore beej op de computer. De spanning waas um te snieje en um zeve oor begós ózze nieje veurzitter Henk Buskes met ’t veurwaord, det waas veur um ouk d’n ierste kier, súper gedaon Henk! Hans Jacobs noom de prissentatie euver en de finaliste van aafgeloupe jaor mochte eur winnend gedich nog ens opzegge um de aovend mei te beginne. Det waas Quin Schatorié met: Kauwgum, Sjraar Timmermans met: ein niej kiendje en Julia Seetsen met: Kerboet.
Wie dees kinder klaor ware kóste die weer beej pap en mam wachte wies ze aan de beurt kwame en begós Hans Jacobs met de finale!! De kinder woorte per zes opgerope en achterin de zaal meuste die zich opstelle beej Nellie (det waas ‘n oma van ein kind) en kwame zeej nao veur geloupe, idderein dae klapde en ging staon…. zeej veulde zich éch gruuets. Aaf en toe kós ik de hertjes hure bónke op de buun, zoeë spannend vónde de kinder ‘t… én dit is trouwes ’t ierste jaor det ik zoeë weinig hoofde te soufflere, ze kóste eur gedich allemaol oet eur köpke, knap huur…. veural die groeëte met eur lank gedich! Toppie.
Nao aafloup van eur gedich kóste ze beej Tiny Driessen ein kónsumptiebón, oeërkónde en ein kedootje haole. As de kinder met eur gedichje bezig ware, hoors se gen speld valle, de zaal waas muuskesstil! Chapeau…. det hebbe we neet ierder meigemak zó’n aandach veur ’t kind. In de pauze hebbe we weer kinne genete van de buut van Juul en Sjraar, hiel erg toef, de zaal loog in einen deuk. Nao de pauze waas de andere helf aan de beurt, maar, maar…. wat ware ze allemaol good vanaovend!!
De jurie haet ’t met de puntetelling erg meujlik gehad, ze vónde ’t nivo erg hoeëg, det zag ouk de schriever van Tegele Franc van Baar, dae veur ’t iërs de declamatie in Venlo haet gezeen, hae had ’t neet wille misse! Wie alle kinder gewaes ware, meuste weej nog efkes wachte op de punte die Diana in de computer meus verwerke en wie ’t zoeë wied waas, woorte de winnaers bekind gemak…. Op van de zenuwe ware zeej!
Oet ’n zier geslaagde deklamatiefinale zien de volgende winnaers gekómme:
Ónderbouw
1e Pries
Eefke Koninkxs
de Springbeek
met “ Oet aete ”
2ePpries
Kiki Severijns
St. Martinusschoeël
met “ Wasse ”
3e Pries
Chakir Ou Oumar
De Zuidstroom
met “ Truuske “
Middebouw
1e Pries
Sjraar Timmermans
St. Martinusschoeël
met “ de Schaatsplank ”
2ePpries
Quin Schatorié
Willibrordusschoeël
met “ De klas oet “
3e Pries
Milou Ooms
‘t Palet
met “ Gebete “
Baovebouw
1e Pries
Juul Brueren
Talentecampus
met “ Op kamp “
2ePpries
Julia Seetsen
Schoeël met d’n Biebel
met “ Sef en Sofie “
3e Pries
Isa Schatorié
St. Willibrordusschoeël
met “ Groep 8 “
Dit waas wéér eine ónvergaetelike aovend wao weej hiel gaer op truuk kieke! Ziet geej d’r volgend jaor weer allemaol beej ? Zeg ’t gerös taege óg (klein)kinder, nichjes of vriendinkes, die neet mei deje, det ’t éch kei leuk is um mei te doon, dan zeen we die ’t volgend jaor ouk!! Hojje!
