Cursus Venloos dialek veur beginners

Met ingank van 13 april 2024 organiseert de Bibliotheek Venlo in samewirking mit Veldeke Venlo ‘ne cursus Venloos dialek – veur beginners.

De cursus ‘Leef Limburgs Groeët-Venlo’ mak deil oet van ’t onderwies LT2 (Limburgs als tweede taal) det in ’t ganse Limburgse taalgebied gegeve wuurd. De lesdaag zien op zaoterdaagmorge van 10:00 wies 12:00 oor

Klik heej voor mier informatie en aanmelding.

Algemeine lejevergadering op 25 april

Heejbeej nuueje weej alle leje en dónneteurs veur de Algemeine Lejevergadering 2024 van Veldeke Venlo. Dees vergadering wuurt gehalde op dónderdaag 25 april 2024 um 20.00 oor in Stadsherberg Ald Weishoes aan de Groeëte Kerkstraot 31. Vanaaf 19.30 oor steit de kóffie mit flaai veur óg klaor in “De Kapel” van ’t Ald Weishoes.

Veur dees algemeine lejevergadering mót geej óg via de mail [email protected] aanmelde. Zit in ’t ónderwerp van d’n e-mail: aanmelding veur de vergadering van 25 april aanstaonde.

D’n agenda zuut d’r as volg oet:

  • 1.  Äöpening door de veurzitter um 20.00 oor.
  • 2.  Jaorverslaag van de sikkertaris.
  • 3.  Bestuursverkezing.
    Aaftraejend zien Bas Vissers as veurzitter a.i en as algemein bestuurslid en Wiel Maassen as bestuurslid.
    Eventuele kandidate veur ein bestuursfunctie kinne zich melde beej de sikkertaris.
  • 4.  Jaorciefers van 2023 en de begruueting van 2024 mit oetleg door de penningmeister.
  • 5.  Verslaag van de kasketrolekemissie.
  • 6.  Bestuursmeideilinge.
  • 7.  Veuroetkieke op jaor 2024 c.q. agenda 2024.
  • 8.  Róndvraog: as geej vraoge heb, gaer veur 22 april via d’n e-mail nao ’t sikkertariaat steure.
  • 9.  Sloeting.

Declamatie Venlo

Met veel plezier delen we mede dat we weer een Venlose declamatiewedstrijd organiseren door Dialektvereniging Veldeke Venlo, die dit jaar plaatsvindt op:

vrijdag 12 april 2024 in zaal “Ut Tref” aan de Hendrixstraat in Venlo.     

We zijn er ons van bewust dat er veel wordt gevraagd van leerkrachten en kinderen, en dat er dagelijks keuzes gemaakt moeten worden in het onderwijsaanbod. Niemand zit te wachten op extra activiteiten en inspanningen. Toch willen wij de educatieve en culturele waarde van de declamatiewedstrijd en het proces daaraan voorafgaand graag onderstrepen.                                                                         

Het uitkiezen, leren en voordragen van gedichten is:

  • Bezig zijn met taal, ritme en rijm
  • Je grenzen verleggen
  • Je inleven in personages en emoties
  • Je geheugen trainen
  • Werken aan talent-ontwikkeling
  • Je profileren in je eigen dialect, een taal die dicht bij je staat
  • In verbinding blijven met je woonomgeving (burgerschap)
  • En sowieso verdient elk kind aandacht en applaus

Hieronder staat een link naar de gedichten die de kinderen kunnen oefenen en voordragen.

Via de knop “Aanmelden” kunt u zich aanmelden voor deelname (tot 24 maart), in het archief kan terugekeken worden naar voorgaande edities.

Let s.v.p. op de leeftijdscategorieën. Deze wijken misschien af van de indeling op uw school: t.w.

  • Onderbouw: groep 1, 2, 3, 4.                               
  • Middenbouw: groep 5, 6,  en
  • Bovenbouw groep 7, 8. 

Attentie: iedereen, school/ouder/leerling kan voor vragen betreffende de declamatie reageren via mail op onderstaande mailadres:

[email protected]

Wij zullen dan z.s.m. antwoorden.

Oetslaag winnaers Faatse 2024

De optochte in Blierick en Venlo hebbe weer getrokke. De zjurie beej d’n optoch van de Wortelepin bestónd oet Henny, Henk en Jos en nao aafloup hebbe zeej de faatse bespraoke en beoeërdeild. Ze ware d’r toch flot oet wae de winnaer is gewaore: Hay Goerts mit as motto Flaai inspectie.

Beej de groeëten optoch van Jocus ware de zjurieleje Frans, Henny en Joep. Zeej zoge ruum twintig faatse mit stumming, originaliteit en kleur, neet te gluive! ’t Waas dan ouk neet ech gemekkelik um dae faatse 2024 oet te zeuke. Oetintelik veel de keus op Toën Feyen mit zien creatie: Flex Valentien.

De oetreiking van de prieze vindt op ein later moment plaats umdet nog iers de beeldjes mótte waere gemak.

Dank aan de zjurieleje en op nao de optochte van 2025. Ein zjurie-opmerking nog: “nae…’ne jeugdige faatse hebbe weej dit jaor neet gezeen, maar weej gaeve de mood neet op en haope op volgend jaor…..”

’n Oetgebreid verslaag kump in de iersvolgende Kroedwis.

’t Ieëwige laeve: Jeanne Alsters

In de Volkskrant van vandaag -23 jannewari- steit ’n artikel van Patrick Meershoek euver Jeanne Alsters. Zeej wuurd beschreve as de “bescheije grande dame en veurvechter van ’t Venloos dialek”.

’t Ganse artikel is heej te laeze.

Niej: online-cursus Venloos laeze en schrieve

Nao vuuel vraoge waoge weej ’t weer ens:
Online-cursus Venloos laeze en schrieve online – maart – mei 2024

Locatie: thoes, achter óggen eige computer

Docent: Bas Vissers, Veldeke Venlo

Koste (inclusief cursusbook en certificaat): €75,- veur neet-leje, ós leje (*) betale €50,-. Materiale krieg geej thoesbezörg.
Tiedstip: vanaaf maondaag 4 maart 19.00 wies uterlik 20.30 oor. Minimum aantal deilnemers: 20

Veurkinnis: de cursus werk ’t beste as geej al thoes ziet in ’t Venloos (of enig ander Limburgs) dialek.

Vanaaf maondaag 4 maart 2024 organiseert Dialekvereiniging Veldeke Venlo einen online-cursus Venloos laeze en schrieve. Deze cursus besteit oet 7 lesaovende van maximaal anderhalf oor wao geej dees twieë vaardighede van ’t Venloos dialek beejgebrach krieg.

Deze zal gegaeve waere in ein google-umgaeving: naeve de computer of tablet heb geej ein google-account (gratis te kriege) nuuedig. Op ’t platform Classroom van google vindt geej dan ’t aanvöllende cursusmateriaal zoeë wie video’s die euver de cursus gaon, aanvllende materiale en op ’t ind van ederen aovend ein paar korte vraoge um te kieke of alles helder waas. De beejeinkómste waere via de camera gegaeve via google-meet.

As geej interesse heb um heejaan mei te doon, dan kint geej óg opgaeve vanaaf 18 december 2023 via https://veldekevenlo.nl/aanmelde-online-cursus-venloos/. Nao betaling van ’t cursusgeld krieg geej dan de aanmeldgegaeves veur de classroom en de weblink veur de camera-meetings.

’t Is aan te bevaele um ouk ech alle aovende te volge. De cursus is zoeë opgebouwd det d’r op basis van ’t veuraafgaonde nieje informatie wuurt toegevoog.

Op ’t ind van de cursus wuurt d’r van óg verwach det geej ein Meisterstök schrief in ’t dialek.

As geej det heb ingeleverd, dan krieg geej op ’t lets van de cursus ouk ein certificaat (thoesgesteurd).

________________________________________

(*) Lid van Veldeke waert geej door óg aan te melde op https://veldekevenlo.nl/kontak/aanmelde/. De koste zien €28,- veur ein jaor as geej volwaerdig lid wilt waere. Donneteurs (Vrinde van Veldeke Venlo) betale jaorliks €15,–. Beej deilname aan de cursus is ’t ierste jaor ’t lidmaatschap gratis.

Weej gedinke Jeanne Alsters-van der Hor

Jeanne Alsters – van der Hor (1932- 2023)

De Grande Dame van ’t Venloos dialek is ós óntvalle. Weej óntvinge ’t dreuvige berich det op 10 december Jeanne Alsters – van der Hor ós op 91-jäörige laeftied is óntvalle.
As se Veldeke Venlo neums, dan dinks se tegeliekertied ouk aan eur. Zeej haet zoeëvuuel geschreve en gedich, det weej ein extra website nuuedig zoele hebbe um alles te neume. Ouk haet zeej, same met eure man Toeën, aan de basis gestaon van ós ierste (blauwe) Venloos waordebook oet 1993, det destieds ter gelaegenheid van 650 jaor stad woort oetgegaeve.
Jeanne haet neet allein in ’t Venloos geschreve, ouk haet zeej in ’t Nederlands gedich. Zeej waas ein vrouw die is gevalle veur de charmes van de lettere, en dan in ’t bizónder de Venlose lettere.
Zeej is neet allein ierelid van Veldeke Venlo, maar ouk van Veldeke Limburg. Zeej is ouk ein van de pioniers gewaes van de declamatiewedstrijde, waobeej vuuel kinder van Venlose lieëgere schoeële in de loup van de aafgeloupe tieëntalle jaore hebbe deilgenaome. Ouk veur ’t blaad van Jocus schreef zeej vuuele jaore ónder ’t pseudoniem ‘Stien de Kiep.’
Wies op hoeëge laeftied is zeej bezig gebleve met eur groeëte passie: taal. Zelfs ’t aafgeloupe jaor haet zeej eure letsten bundel geschreve: Schemering.

Weej winse idderein dae eur leefhad en idderein dae haet genaote van eur gedichte en verhaole vuuel sterkte.

(Foto Lé Giesen)

Ein lint van water

kabbelend, golvend, kolkend

eine laevesader, meanderend

door ’t Limburgse land

Ik kiek nao de foto in mien hand

die ik oet d’n album heb genaome

Ein beeld in stilstand

oet ‘nen tied van zoeë wied haer

truukgebrach tot éín moment

vasgelag op broen pepeer

De Maas waas in det jaor bevraore

Ik veul ’t tintelend iesvermaak

en huur de krete van plezeer

Ik zeen de jónges die vol euvermood

kruutselings schaatse met de maedjes

Kinder achter eine stool

dae schufelend euver ’t gladde glijdt

Vrouwe, inkellank gekleid

de hand in eine stoek gestaoke

Manne met de bóntmuts op

in de kraag deep weggedaoke

Thoes wach de kaolekachel.

die popelend roeëd gleujend steit

Brón video: Omroep Venlo

Doorspek 100 -ein- gedichtebundel

Gedichtebundel in Venloos dialek aangebaoje beej gelaegenheid van ‘t 15-jäörig jubileum van Hospice Mariaweide Venlo.

“Doorspek 100 -ein-“ besteit  oet ein hónderdtal in ‘t Venloos dialek geschreve werke door Loot18. De naam Doorspek verwies nao kwante waordspeulinge en gedachte (spinsels) die d’n gedichtebundel lardere (doorspekke).

Door bewuster mit dialekschrieve bezig te zien veel ’t d’n auteur op det dialek in de praktijk nogal “vernederlandst”. Mit andere wäörd: vuuel gebroekde dialekwäörd zien ein “verdialekting” van Nederlandse wäörd.

Door zoeëvuuel as meugelik in richtig Venloos te schrieve, wilt Loot18 de laezer (spraeker, schriever) bewuster make van ein juuster gebroek van dialek. Vaerder speult hae in op ‘t dökker in dialek mit zich ‘appen’. Dialek is dutelik in opkóms ouk door dialekmeziek in de regio. Plat praote en schrieve is ónderdeel van ós streekcultuur en ‘t zoel zund zien as det verdwient. Dialekte verschille op ónderdeile vanein maar zien door de ganse pervincie en euver eur landsgrenze haer verstaonbaar. Zoeë wilt d’n auteur ein beejdrage levere aan ‘t behald van ‘t Limburgs dialek en ‘t Venloos in ‘t bezónder.

D’n dialekbundel is vanaaf 10 december 2023 online te bestelle via: http://boekenbestellen.nl/boek/doorspek100ein en leet vanaaf 10 jannewari in d’n beukwinkel.

Leidaag: Groeët-Venlose muziekquiz én de band SIMONS

Op de Leidaag, die jaarlijks plaatsvindt op 15 december, staat het vieren van de Limburgse identiteit centraal. Onder leiding van presentator Patrick Schmitz (Omroep Venlo) testen we op ludieke wijze de kennis van deelnemers over Groeët-Venlose dialectmuziek en de diverse dialecten uit de gemeente.

We vieren dan op gezellige én leerzame wijze de Limburgse taal en cultuur. Met onder meer een meezingbare Groot-Venlose dialectmuziekquiz en een optreden van Pieter Simons en zijn band SIMONS.

Er kan in tweetallen of individueel worden meegespeeld, waarbij je als je redelijk wat kennis over dialectmuziek hebt een eind kan komen. Gezelligheid staat tijdens de Leidaag centraal. Zo kan er gedurende de avond flink worden meegezongen. Dat gebeurt niet alleen tijdens de quiz, maar ook tijdens de muzikale blokken die Pieter Simons met zijn band SIMONS verzorgt. Daarnaast is er aandacht voor de dichtbundel van Pieter, waarin zijn beste dialectteksten verzameld zijn.

Geef je op voor deze interactieve dialectmuziekavond en vier de Leidaag samen met ons. Deelname is gratis.

*Deze activiteit is een samenwerking met Veldeke Venlo en Cultuurpodium De Speelplaats.

De Harmoniezaal in Tegelen is een half uur voor aanvang geopend.*

Voor meer informatie over de Leidaag zie hier.

Werkgroep Kringekóntakdaag 2024

Idder jaor wuurt door Veldeke ‘ne KRINGEKÓNTAKDAAG gehalde. Deze wuurt idder jaor door ‘nen andere krink georganiseerd. Kómmend jaor zien weej – VELDEKE VENLO – aan de beurt, en we wille neteurlik good veur d’n daag kómme!

We wille ‘ne werkgroep samestelle dae dit geit regele ónder supervisie van ’t besteur. We gaon d’r vanoet det dae groep eine kier per maond beejein kump; en messchiens mót ge tössedoor waal ens waat oetzeuke of naovraoge.

As óg det waat liek, neem dan kóntak op mit Wiel van Aarssen. Dae kin d’r óg alles euver vertelle.

Zien gegaeves : Wiel van Aarssen, Manresastraot 33 5915 VJ Venlo

Telefoon 077-351 13 10 of 06-4965 8690, e-mail: [email protected]

Dink noow neet ‘det is niks veur mich’, maar meld óg aan. We dinke ongevier 5 man nuuedig te hebbe.

As ge belangstelling heb, laot dan veur 1 December waat van óg hure.