Sef (Sjef) Diederen (gebaore in Valkenburg in 1932 en euverleje te Hoensbroek op 28 augustus 2012) is same mit Frits Rademacher pionier op ’t gebied van de Limburgse streektaalmeziek. As leedjesschriever makde hae mier dan 300 leedjes.
Diederen begós zien loupbaan as troubadour in 1950. Hae zingk óntroerende, romantische en humoristische leedjes. ’t Leed “Geneet van ’t laeve” schreef hae al in 1978 maar is in Limburg nog altied vuuel gevraog.
In 1982 wón Diederen de Gouden Narrenkap. In 2008 ontving hae de Jo Erens-pries veur zien verdeenste as troubadour.
In fibberwari en maart 2004 bereikde zien “Hieë is ’t gezellig” de ierste plaats in de L1 Limbo top 10.
Sjef Diederen goof aan um in oktober 2010, nao zestig jaor optraeje, zien muzikale carrière te stoppe.
