Al vruug bleek Verdellen hiel muzikaal te zien.
Hij zóng in ’t koeër van de Blierickse Sint-Lambertuskerk !
In 1969 woort ’t dansorkest De Vrijbuiters opgerich, Met De Vrijbuiters had hae groeëte successen. Van de dreej elpees die zeej makde, woorte doezende exemplare verkóch. Optraejes van de groep ware altied uitverkóoch.
In 1985 stopde De Vrijbuiters en ging Ben Verdellen allein vaerder.
Same met Lottie Boermans makde hae de elpee Allotria. In 1991 kwaam de groeëte doorbraak met de solo-cd Mien Jeug. Dees sloog enorm aan, net as de Nederlandse en Duitse versie die daovan op de mert woorte gebrach.Succes waas ouk de cd-single Hoeëgwater, die as óndersteuning van de inzamelactie voor de slachtoffers van de watersnoeëd ind 1993 in Limburg woort oetgebrach. D’r woorte 8000 exemplaren van de cd verkoch, waat 50.000 gölde veur ’t rampefónds opbrach. Hae schreef hónderde liedjes, en tekste veur de Blierickse en Venlose revue en vormde van 1980 tot 1994 same met Wiel Aerts ’t kwante stel Paeper en Zalt.
In 2010 goof Verdellen ’n benefietconcert in ’t Muziekcentrum Frits Philips in Eindhoven.
De opbrings van dit concert, mier dan € 22.000,00 , ging nao ’n stichting die verschillende schoeëlprojecten ondersteunt in ónder andere Tanzania.
.JPG)
Naeve zien muzikale-, haet hae ouk nog andere kunstzinnige talente.
Of is ’t ein late roping ? Meschiens waal ! Vanaaf det hae neet meer de verplichting van zien dageliks werk haet, is Ben beginne te schildere. En volges minse, die d’r verstand van hebbe, neet ónverdeenstelik. D’r hange al werkstökke van um in verschillende hoeskamers, tot zelfs in Spanje toe ! (beej zoon Marcel, neteurlijk !)
Gaon weej dan in de toekóms, in plaats van nao de prissentatie van nieje CD’s, nao tentoeënstellinge van schilderieë van Ben Verdellen ? Met Ben Verdellen wet se ’t maar noeëts !