Arnold Wassen schreef hónderde vastelaovesleedjes, wón mit De zachte geej (1978) en Goodgeammezeerd (2001) twieë kier ’t LVK en makde vuuel andere leedjes en gedichte. De Ruivernaer is bekind um zien lollige tekste.
Nol Wassen is verierd mit ’t winne van de Oeuvre-Priès: “Ik bin hartstikke blie en verierd. Ik heb ’t lieske van ierdere winnaers gezeen. Waat ’n ier um dao tösse te meuge staon. Mit Jan Theelen heb ik vuuel samegewerk, net as mit Ben Verdellen.
Beeldje gemak door Marielle Franssen.
Astebleef, astebleef, waer mienen hertedeef. Want wie se ’t auch bekieks, doe kries mien hert veur nieks. Noe kem ens doenderbiej, ich haaj ’n plaetske vriej. Ben neet verlaege, noe kem mer gres,want ich gluif des doe veur mich de ware bes. De sjterre en de maon, die aan d’n hemel sjtaon, besjiene dien gezich, as ich sjmiespel taege dich: Zegk is dich al verteld, det t’r eemes van dich helt? Den kiek ens good nao mich, want dae wuiles, det ben ich!