Dit heb geej nuuedig:
- 1½ pÓnd gekaokde petatte (750 gram)
- 1 fles slaajsaus
- 1 flink hötje louk
- 1 klein pötje luikskes zz
- 1 klein pötje kómkummerkes zz
- kleine wörtelkes, erwtjes, buuënkes alles gaar gekaok
- 1 pónd mager soepevleis
- 2 hardgekaokde eier
- 2 goldrenette of elstar
Zoeë mak geej ’t klaor:
Veurbereiding :
Trek van ’t soepevleis langsaam eine lekkere bouillon, laot ’t soepevleis kald waere. Snie ’t kalt soepevleis in kleine stökskes.
Maak ’t hötje louk schoeën en doot ’t dan snippere.
Laot ’t vóch van de luikskes en de kókkummerkes aaf, snie de luikskes half door en de kókkummerkes in schièfkes. Snie de wörtelkes in schièfkes en de buuënkes in stökskes.
Maak de hardgekaokde eier schoeën en snie ze in schièfkes.
Schel de appele, haol de kroeëskes d’r oèt en snie de appele in blökskes.
Snie de gaar gekaokde petatte in blökskes.
Bereiding:
Doot in ein groeëte kómp al ’t grei ónderein en ming det met de slaajsaus waodoor ge ein lekker smeuiïge massa krieg. Zet alles in d’n ièskas en aet ’t ’s anderendaags gegarneerd met de schieve eier.