Dit heb geej nuuedig:
- 1½ pak lange vingers
- ¼ liter slaagroum
- 250 milliliter sókker
- 1½ óns gooj bótter
- 1 pekske vanille sókker
- 4 eigael
- Rum, cognac of grand marnier ( good veurpreuve !)
- Kóffie extract ( opgeloste Nescafé )
Veur dees taart te make haes se genne aove nuuedig en wuurt ouk waal “ luiwievertaart ” geneump.
Zoeë mak geej ’t klaor:
Bótter met sókker reure toet ‘n gladde massa dan ein veur ein ‘t eigael d’r beej doon
Geklopde slaagroum met vanillesókker veurzichtig door de gladde massa reure met ’n hiel klein bietje zalt.
Op ’ne depe telder de langvingers soppe in d’n drank en de kóffie extract
Op ‘ne platte telder de langvingers( met de sókkerkant nao baove) naeven ein legge en ’t gehiel met de massa bestrieke.
Dan de volgende rie lang vingers op d’n telder legge en bestrieke.
De res van de massa gebroeke um de baove- en ziekante aaf te werke.
De taart bestruie met hagelslaag en/of amandeleschraapsel.