Veldeke trofee 2011
Det ’t zunke de waereld en de minse gezelliger mak, hebbe weej de aafgeloupe daag kinne zeen en belaeve!
De vastelaovesoptochte van Blierik en Venlo woorte gehöld in ein lekker zunke. Allein ’t windje speulde de taegepartie, want de wind zörgde smeis veur ein valse noeët. Aevel meugde we neet klage, want ’t vurrig jaor waas ’t vuuel slechter um de optochte te bekieke.
Waat hebbe weej kinne genete van de moeje wages, de geweldige groepe, de vuuele meziekgezelschappe en de unieke faatse in de optochte. Want ierlik is ierlik de faatse zörge waal veur vuuel bekieks in d’n optoch: laot dich ‘smorges maar waat invalle en stap dao ‘smiddaags mei d’n optoch in. Dink maar ens aan dae verbörde friteskraom in Venlo: ‘smiddaags kóste de minse naeve d’n optochwaeg aangebrande frites koupe.
VLUU L100, M100 / Samsung L100, M100
De jury’s van allebei de optochte hebbe flink eur bes mótte doon en good euverlag um de Veldeke-krink-Venlo trofee aan de faatse toe te kinne want d’r ware vuuel kandidate. Veur ’t iers haet de jury ouk in Blierik en Venlo eine aanmoedigingspries toegekind aan enthousiaste jónge minse die veur ’t iers meitrokke in de optochte.
! Oetslaag:
Blierik: Veldeke trofee nao d’n hier Piet Welles: noow bin ik nog Faats
Aanmoedigingspries nao Jop Caris: noow loup ik allein as prins
Venlo: Veldeke trofee nao mevrouw Anne Berendsen: verbouwt door Brünken
Aanmoedigingspries nao Roy Rutten en Maikel Hendrikx